Desa Sakerta Timur

Tentang Desa/Kelurahan Sakerta Timur

Sakerta Timur asalna Desa Sakerta anu wilayahna ngawengku kampung Ciceuri (Sakerta Barat), Cibengang (Desa Sukarasa) jeung Desa Cageur. Ngaran Sakerta asal tina Sanghiyang Kirita. Ari Sanghiyang Kirita teh hiji wiku ti Tatar Wetan anu seja ngajarkeun ajaran Hindu anu tempatna dihiji pasir anu katelah Gunung Batu. Eta resi teh teu aya nu terangen namina.ngan sok ngajelaskeun tina Kitab Weda anu make bahasana bahasa jawa kuno atawa sangsakerta, nepi ka eta Wiku teh disarebut wae Sang Kirita. Tapi teu lila da kaburu datang agama islam anu disebarkeun di Cirebon kalayan eta Wiku teh amanat yen iyeu pasantren teruskeun pake diajar Agama Islam, kalayan kaula rek indit ninggalkeun ieu patempatan . barang kaluar, reup poek, bray caang deui, tos teu aya. Ajian kitu teh disebut ngahiyang, lumatak eta tempat sabudeureun Gunung Batu teh disebutna leuweung sangiang kalayan Sang Wiku oge sabab ngahiyang di telahkeun wae Sanghiyang Kirita. Ari anu mimiti nyieun padumukan nyaeta Embah Buyut Gede. Tempatna di hiji lengkob landeheun Gunung Batu tilas pahumaan anu dingaranan, Rumahsebeh, tina kecap Reuma Saebah, reuma = pahumaan, saebah (arab) = sesa. Rumahsebeh = tilas (sesa) pahumaan da pahumaan mah pindah ka Rumalega. Lami-lami kampung jadi Desa nya dingaranan SAKERTA, etang-etang panghargaan Sang Wiku anu mimiti naratas eta tempat. Ari nu mimiti jadi kuwu nyaeta Embah Beui, mung hanjakal makamna tos teu aya laratanana, kalereun Bunut anu di kuriling ku benang cucuk. Masa kajayaanana waktu di kuwuan ku Embah Buyut Singadiparana (Embah Jago). Waktu ieu mah mirip jiga karajaan atawa karaton, margi : Wilayahna jadi ngalegaan diantarana : Cageur,Cibengang (Sukarasa), Ciceuri ( Sakerta Barat), Babakan (Jagara). Aya lawang saketeng tempat pangjagaan anu disebut Babancong. Sok katelah Dayeuh sebutan ka Sakerta teh, kusabab didinya aya Hulu Dayeuh hartina mimiti asup ka Dayeuh (kalembur). Sok aya diayakeun Upacara Ulang Tahun Desa atawa nu disebut BABARIT, tina kecap Babar anu hartina lahir, anu satuluyna jadi adat Desa anu dilaksanakeun saban tahun tahun bulan Jumadil akhir nyaeta pindahna tina bulan urusan lahir (dunya) kana bulan urusan Batin (akhirat), Rajab, Rewah jeung satuluyna. Ari dina Upacara Adat anu di hormatan (sanes disembah). Ari Sanghiang Kirita sok disebut dedemit sabab sok ngalengit (Demit).Sakieu risalah Sakerta. asal mula Sakerta nyaeta Sanghiyang kirita aya di hiji tempat Bakar Wulung (batu korsi) asalna ti Mundu pesisir CirebonNami-nami kuwu na: 1. Eyang Beunyi Singa Perbangsa 2. Eyang Singa Taruna 3. Eyang Singadiparana 4. Eyang Arsa Winata 5. Eyang Wangsa Perwata 6. Eyang Bongkok 7. Eyang Candradinata 8. Winita Sastra 9. Candraprana 10. Muhammad Sobari  tahun 1946 – 1967 11. Dodo Soebroto  tahun 1967 – 1976 12. Muhammad Saleh tahun 1976 – 1983 13. Rukmadi  tahun 1983 – 1993 14. Jamhari  tahun 1993 – 2001 15. Jeje Sobarudin Tahun 2003 – 200516. Pepen Efendi tahun 2006 – 2013 17. Cucu Sudrajat tahun 2013 – Dugi Ayeuna